Ang Simula Ng Buhay Ko Na Walang Mga Kadena Ng Doktrinang Pang-Relihiyon | English Ito ang una kong post p...
Ito ang una kong post pero gusto ko lang magrelax ng kaunti, dahil ito nga ang pinakauna kong post at siguro magpapaliwanag lang ako sa katangian kung para saan ang mga posts na susunod nito.
Ang Mockingjays Are Just Curious ay isang blog para sa simpleng pagsusuri. Simple sa paraan na hindi ko gagamitin 'yong mga terminolohiyang pilosopikal at mga salitang malalalim na ginagamit sa siyensiya, 'yong mga salitang ginagamit lang sa mga debate at usapan ng mga matatalinong tao dahil mahirap itong makuha ng mga taong karaniwan kagaya ko. Ang pangunahing layunin ko ay isiwalat ang paggamit ng katwiran at wasakin ang kamangmangan. Ang kamangmangan na pumupigil sa atin umusad, at sa halip ay marating natin ang hinaharap ng kaliwanagan na may kaalaman tungkol sa mundo natin, sa realidad, at sa ating sarili.
Susubukan kung sumulat ng isa o dalawang beses sa isang linggo. Malamang madalas tungkol sa pagsusuri at pagpuna sa mga payahag na pangrelihiyon (na siyang nabanggit ko na.)
Sana ay makatagpo ako ng mga mausisa at rasyonal na mga taong magbabahagi din ng mga ideya nila sa ibang lugar (blogosphere).
